Сурагчдын амралтаар хүүхэдтэйгээ хамт ном уншъя

Сурагчдын амралтаар хүүхэдтэйгээ цагийг хэрхэн өнгөрүүлэхээ бодож олсон уу. Тэгвэл Динза ба Цондоолой комик ном уншлагын танхимыг BLesson.mn санал болгож байна. Монголын анхны комик номын концепт сторе болох энэхүү уншлагын төв нь “Хүннү молл” худалдааны төвд байдаг. Эцэг эх, хүүхэд хамтдаа ном уншиж, бүтээлчээр сэтгэж, хөгжилтэй байдлаар суралцах орчинг бүрдүүлснээрээ онцлог юм.

Та зөвхөн ном  уншаад зогсохгүй нийгмийн сайн үйлсийг дэмжихэд оролцож байгаа юм. Учир нь тус ном уншлагын танхим нь “Динза Цондоолойгийн анд найзууд сургуулиудаа аварсан нь” нийгмийн сайн үйлсийн аяны хүрээнд байгуулагдсан жишиг төв юм. Уг аяны зорилго нь нийслэлийн Ерөнхий боловсролын 100 сургуулийн нийтийн талбайд ном уншлагын орчин бүрдүүлэх, хөтөлбөрийн үйл ажиллагааг олон нийтэд таниулан сурталчлахад чиглэж байгаа аж. Тус төвөөр үйлчлүүлж буй хүүхэд, багш, эцэг эх бүр өөрийн амьдарч буй орчин, нийгэмдээ эерэг өөрчлөлт авчрах сайн үйлсэд бодитоор хувь нэмэр оруулж байгаа хэрэг юм. 

Комик ном уншлагын төвд хүүхдүүд дараах үйлчилгээнүүдийг авах боломжтой юм байна.

Динза, Цондоолойгийн ертөнцөд очсон мэт орчинд багш, сэтгэл зүйчийн хамт ном уншина. (Уншсан номоо ойлгох, ярилцах, өөрийнхөөрөө илэрхийлэх чадварыг хөгжүүлнэ)

Номын агуулгын талаар багш, сэтгэл зүйчтэй ярилцаж, тайзан дээр бүтээлчээр өөрийгөө илэрхийлнэ.

“Динза Цондоолойгийн анд найзууд сургуулиудаа аварсан нь” хандивын аянд нэгдэж, сайн үйлсэд нэрээ үлдээнэ.

Хүүхэдтэйгээ хамт ном уншсанаар хүүхдийн унших сонирхол, сэтгэх чадвар нэмэгдэж, эцэг эх, хүүхдийн хамтын чанартай цаг бий болно. Мөн сэтгэл зүйн хувьд эерэг, аюулгүй орчинд суралцаж, нийгмийн сайн үйлсийг багаас нь ойлгуулж, үлгэрлэх зэрэг олон давуу талтай юм. 

Байршил: Хүннү молл худалдааны төв

Үйлчилгээний үнэ: 1ш ном аваад ном уншлагын төвд 1 цаг үйлчлүүлэх бол 19,000₮

Анги хамт олноороо очих бол: 30-с дээш хүүхэд бол сургуулиас нь аваад ном унших төвд хүргэж, буцаагаад сургууль дээр хүргэх машины зардал ороод 25,000₮

#Хүүхэдтэйгээ_хамт_ном_уншаарай