Хүүхэлдэйн театрт “Морин хуур” хүүхэлдэйн драм жүжгийг тоглоно

Монгол Улсын Хүүхэлдэйн театрт "Морин хуур" хүүхэлдэйн драм жүжгийг энэ амралтын өдрүүдээс тоглож эхэлнэ.

"Морин хуур" хүүхэлдэйн драм жүжгийг "Хөхөө Намжил" Монгол ардын домог үлгэрээс сэдэвлэн бүтээжээ.

Жүжгийг 6-гаас дээш насны хүүхдүүд үзэх боломжтой бөгөөд тасалбар 20 мянган төгрөгийн үнэтэй. Сургууль, анги хамт олноороо жүжиг захиалан үзвэл тасалбарын үнийн дүнгээс 10-аас 30% хүртэлх хөнгөлөлт авах боломжтой аж.

Драм жүжгийг амралтын өдрүүдээр 4-р сарын 5-н хүртэл хүүхэд багачуудад хүргэх юм байна. Жүжиг амралтын өдрийн 15:00 цагаас эхлэх бөгөөд үргэлжлэх хугацаа нь 65 минут.

Сонирхуулахад, Монгол Улсын Хүүхэлдэйн театр нь 1948 онд анх үүсэн байгуулагдсан бөгөөд 70 жилийн хугацаанд хүүхэд, багачуудад зориулан хүүхэлдэйн олон төрөл хэлбэрээр уран бүтээлээ туурвиж соёл, урлагийн боловсролыг олон нийтэд түгээн дэлгэрүүлэн ажиллаж буй хүүхэлдэйн урлагийн цорын ганц мэргэжлийн театр юм. Хүүхэлдэйн театрт тоглож буй бусад уран бүтээлүүдийн гарах хуваарийг https://puppet.mn/Home хаягаар авах боломжтой.