Хүүхдийн хөгжилд оруулсан 1 ам.доллар 12.90 долларын ашиг өгдөг

Өнөөдрийн тоо бол 1 ам.доллар. Нобелийн шагналт, эдийн засагч Жеймс Хейкман 6 хүртэлх насны хүүхдийн хөгжилд оруулсан 1 ам.доллар тутмын эргэх ашиг нь 12.90 ам.доллар байна гэдгийг тооцоолж хувь хүний хөгжилд оруулсан хөрөнгө оруулалт нь зөвхөн боловсрол олж авч буй тэр хэсэг хүмүүст бус улс орны эдийн засгийн хөгжилд бүхэлд нь өндөр үр ашигтай байдаг хэмээн бага насны хөгжлийн хөрөнгө оруулалтын ач холбогдлыг тодруулж тайлбарласан байдаг. Мөн тэрбээр хүүхдийн хөгжлийн буюу боловсролын салбарт хөрөнгө оруулах нь улс орны эдийн засгийн хөгжилд нэн чухал гэж үздэг ихэнх төсөл тухайлбал, дэд бүтцийг хөгжүүлэх, зам гүүр барьж, байгуулах зэргээс давсан өндөр ашигтай төдийгүй бага насны хүүхдийн боловсролын үйлчилгээний салбар нь эдийн засгийн хөгжлийн стратегийн нэг чухал хэсэг хэмээн дүгнэжээ. Тиймээс улс орон төдийгүй эцэг эх асран хамгаалагчид хүүхдийнхээ боловсролд онцгой анхаарах нь чухал байна.

Сонирхуулахад, хүүхдийн тархины хэмжээ 5 нас хүрэхэд 90 хувь хүртлээ бүрэлдэж, хөгжсөн байдаг байна. Өөрөөр хэлбэл, насанд хүрсэн хүний тархи 100 хувь бол 90 хувийг нь тав хүртэлх насандаа олж авдаг гэсэн үг. Тиймээс бага насны хүүхдийн хөгжилд хөрөнгө оруулах нь ирээдүйд хэрхэн амжилттай суралцах, ажиллах зэрэг насан туршийн боловсролд нь оруулж буй хөрөнгө оруулалт юм.

Эх сурвалж: Lebel et al., 2007, Жеймс Хейкман 2009