Тав хүртэлх насны хүүхдийн номын хүртээмж улсын хэмжээнд 34 хувьтай байна

Өнөөдрийн тоо бол 34 хувь. Бага насны хүүхдийн хөгжилд насны онцлогт нь тохирсон номын хүртээмж манай улсад хангалттай биш. Тодруулбал, улсын хэмжээнд тав хүртэлх насны хүүхдийн номын хүртээмж 34 хувьтай байгаа юм. Хотод 38.7 хувьтай байгаа бол хөдөө харьцангуй бага буюу 19.5 хувьтай байна. Хөдөөд номын хүртээмж илүү муу байгааг илтгэж байна. Харин баруун бүсэд 20.3 хувь, Хангайн бүсэд 28 хувь, Төвийн бүсэд 29.4 хувь, зүүн бүсэд 26.3 хувьтай байсан бол Улаанбаатарт 45.3 хувьтай байна. Сонирхуулахад, манай улсад нийт 362 номын сан байгаа бөгөөд 6.3 сая номын фонд бий.

Эх сурвалж: MICS 2023, Үндэсний статистикийн хороо